නිදි වරව රෑ මැදියමේ නුඹ
තරු පොකුරු මල් පොපියවන්නී
සඳ කැළුම් මේඝයන් සැම හට
නවාතැන් පොළ සදා දෙන්නී
සිතින් නුඹ කප්පරක් දුක් විඳ
නෙතු කෙවෙනි අග බොඳ කරන්නී
මගේ මව මෙන් සියලු දුක් ගිනි
සදා කල්හිම ඉවසගන්නී......
ඉකි බිඳින පහන් සිළ ලඟ
තුන්පත් රටා අමුණන
සුදු බත් ඉතුරු කර
දංකුඩම වළඳන
දුක දුකක් බව නොදැක
හැමදාම දුක් විඳින
අම්මා නුඹයි මට
මුලු ලොවම දිනා දෙන
පෙම්වන්ත හිත මත්තෙ..
මුතු හීන අහුලන්න..
නාමලක් මත රැඳුණු..
පිණි බින්දු දැක ගන්න..
හාදු මල් කෝටියක්..
තෑගි ලෙස ගෙනියන්න..
ඔය සොදුරු හිත රැගෙන..
මා එක්ක එනවාද?........