වසත් කල අවසන්ය

පුංචි තණ පඳුරු වල

පිණි බිංදු එක් කරපු
කෝම්පිට්ටුව වටේ
ලෝකයක් ගොඩනගපු
ඒ සොඳුරු ළමා විය
ගෙවී ගියෙ නොකියාම...

'අ' යනු 'ආ' යනු අතර
සූත්‍රද ප්‍රමේයද
එකට ගෙන අකුරු කල
විදු මවුගෙ තුරුලෙ හිඳි
ඒ සොදුරු සිසු දිවිය
ගෙවී ගියෙ නොකියාම...

එකට බත් පත කාපු
එකට හිඳ ගී ගයපු
'කුප්පි' කැන්ටින් අතර
මිතු දමෙන් ගලා ගිය
සොඳුරු සරසවි දිවිය
ගෙවී ගියෙ නොකියාම..

කාලයේ සරදමින්
සිනහ කඳුළැලි මතින්
මේ ගෙවීගෙන ගියේ
ජීවිතේ සැහැල්ලුව
වගකීම් පවුරු නැති
ජීවිතේ වසන්තය

හෙටින් පසු කෙදිනවත්
වසන්තය යලි නොඒ,
සමනලුන් මෙන් ගෙවූ
සැහැල්ලුව යලි නොඒ,
දැන් ඉතින් ඇරඹුනේ
ඒ කටුක සිසිරයයි
රැහැන් පවුරින් බැඳුනු
ජීවිතේ සිරගෙයයි.......