ප්‍රී වෙඩිං නාඩගං

අලුත් ඇස් ගාණක් පිරික්සයි හනි හනික 

සුදුසුදැයි ඈ සිතති මනාලිය වීමට 

ඩෙනිම් ටී ෂර්ට් නැත 

රැළි සාය දෙපතුල ළඟට 

කෙලින් කළ කොණ්ඩය 

සඟවමින් කණ පිටුපස 

කිංකිණි සිනා දඟ බැලුම් නැති 

කෝල සිනහා අඩු කතාවෙන් 

අම්මා තල්ලු කරයි 

නැන්දම්මාට තේ අල්ලන්න 

ප්‍රේමය නීතිගත කරන්නට සැරසෙයි 

අලුත් ඇස්, පිරික්සුම් ඇස්, කුතුහලය පිරි ඇස් අතර 

හුරුපුරුදු නෙතු ගැටුණු කල 

පුපුරන්නට ආ සිනහව දෙදෙනාම 

කැස්සකින් යටපත් කල 

කවදා කෑ ටකරන්ද බොල 

කියයි ඔහු හෙමිහිට